आणखी एक छोटंसं सुडोकू

या ब्लॉगचा उद्देश कोड्यांच्या विविध प्रकारांशी तुमची ओळख करून देणे हा असला तरी आपण सुरूवात सुडोकूपासूनच करू या.

सुडोकूमधील आकडे बघून बहुतेकांना वाटतं की हे गणिताचं कोडं आपल्याला काही जमणार नाही. इस्पिक, बदाम, किलवर आणि चौकट ही आपल्या परिचयाची चिन्हं असलेलं एक छोटंसं सुडोकू देऊन तुमचा हा गैरसमज दूर करण्याचा प्रयत्न मी या आधीच्या पोस्टमधून केला आहे.

आज मी जे सुडोकू देते आहे, ते या आधीच्या सुडोकूप्रमाणे छोटंसंच आहे.पण त्यात नेहेमीच्या सुडोकूप्रमाणे आकडेचं वापरले आहेत. या आकड्यांना घाबरून न जाता, हे आकडे ह्या कोडयात निव्वळ एक चिन्हं म्हणून आहेत हे लक्षात घेऊन, हे सुडोकू सोडवायचा प्रयत्न करा.

प्रत्येक आडव्या ओळीत, प्रत्येक उभ्या ओळीत, आणि ठळक रेषांनी दाखविलेल्या 2x2 च्या प्रत्येक चौरसात, १ ते ४ मधील प्रत्येक आकडा फक्त एकदाच येऊ शकतो.

(उत्तर पुढील भागात!)